Hêzên iraqî ragihandin ku gorneke komkî li nav bîreke niftê li nêzîkî çîyayên Hemrînê li parêzgeha Dîyalê li rojhilata vî welatî peyda kirin.

Li gorî rapora ajansa nûçan a ISNA`yê, çavkanîyên ewlehîyê li Iraqê ragihandin ku meytên sivîlên ku bi destê têrorîstên DAIŞ`ê li nêzîkî çîyayên Hemrînê hatibûn îdamkirinê, li vê gornê hatine peydakirin.

Berî vîya jî hêzên iraqî bi dehan gornên komkî li deverên ku vê dawîyê ji lepên têrorîstên DAIŞ`ê hatine azadkirinê, peyda kirine.

Li gorî nûçeyeke din, Nûredîn Qeblan alîkarê parêzgarê Nêynewayê îro ragihand ku nêzî 300 jin û zarokên endamê malbatên têrorîstên DAIŞ`ê ku li Mûsilê dijîn bi merema çûyîna ber bi welatên xwe ve, bo Bexdayê hatin veguhestin û 2 yan 3 komên din jî yê bi zûtirkê bên veguhestin. Alîkarê parêzgarê Nêynewayê herwiha got: Bi ser hevda zêde ji hezar û 200 kes ji endamên malbatên têrorîstên bîyanî ji girtîgeha Til Kêfê li bakûra Mûsilê bo girtîgeha Bexdayê yê bên veguhestin.