Heyder Ebadî serokwezîrê Iraqê, pêşnîyara kurdan a rawestandina encamên giştpirsîya cidabûna Herêma Kurdistanê ji vî welatî qebûl nekir.

Li gorî rapora nûçegihanê IRIB NEWS`ê, nivîsgeha serokwezîrtîya Iraqê li daxûyanîyekê ragihand ku Heyder Ebadî tenê ``ibtalkirina`` encamên giştpirsîyê û rêzgirtina li destûra bingehîn a Iraqê qebûl dike.

Bi dû zext û zora ser berpirsên Herêma Kurdistana Iraqê ji bo ibtalkirina encamên giştpirsîya cidabûnê bi merema destpêkirina muzakireyên digel Bexdayê ji bo çareserkirina nakokî û pirsgirêkan, Hewlêrê sêşemê şevê bi daxûyanîyekê amadebûna xwe ji bo rawestandina encamên giştpirsîyê ragihand û xwest ku agirbes bê ragihandin û her kiryara leşkerî li sînorên vê deverê bê rawestandin û gotûbêja Hewlêr û Bexdayê li gorî destûra bingehîn a Iraqê be.