Endamekî konseya bajarê Neynewayê raghand ku 500 hevjînên terorîstên DAIŞ`ê tev 800 zarokên wan ji bo navenda girtiyan ji bo ku rewşê jibo vegerandina wan bo welatên wan amade bikin, tên veguhestin.

Li gorî rapora ISNA`yê, ev jin û zarok li Mûsilê, duwem bajarê mezin ê Iraqê û navenda sereke ya DAIŞ`ê li vî welatî piştî rizgarkirina wî ji aliyê hêzên iraqî, hatin girtin.

 Endamekî konseya  bajarê Neynewayê ji  France Pressê re got: Ew li navenda girtiyan li Tel Kêfê û bin çavdêriya  hêzên ewlehiyê yên  Iarqê de tên xweyîkirin da ku  beriya derketina ji  welêt  dosiyên wan werin hilkolandinê.

 Li gorî gotina  yek ji rayedarên  Iraqê, hevjînên têrorîstên DAIŞ`ê û zarokên wan roja yekşemiyê ji kempekê ku ji aliyê ajansên  gîhandina  alîkariyê yên navneteweyî li 60 km ya başûrê bajarê Mûsilê hatibû çêkirin, bo navenda girtiyan hatin veguhestin .

Rayedarekî pilebilind  ê Iraqê got: 509 jin û 813 zarok hatine girtin ku ji 13 neteweyên  curbicure  ewrûpî, asiyayî û emerîkî ne, her wiha li gorî gotina  rayedarekî dewletî, nêzîkî 300 kes ji wan ji Tirkiyê ne.

 Yek ji wezîrên  Iraqê ji France Pressê re got: kesên girtî hin kesên biyanî ne ku  bi awayekî neqanûnî derbasî nava welêt bûne. Wî her wiha got: Divê pêngavên  hiqûqî li dijî wan were rakirin ji ber ku dema  girtinê, li navça  bin fermana  terorîstan de bûn.

 Piraniya  kesên girtî,  ji Tirkiye, Azerbaycan, Rûsiye û Tacîkistanê ne.