Hêzên iraqî li operasyona parzêgeha Diyalê, li rojhilata Iraqê, belgeyên giring ji grûpa terorîstî ya DAIŞ`ê keşf kirin.

 Roja şemiyê, fermandetiya  operasyona  Dicleyê  li bara  destpêbûna operasyona  azadkirina  bakurê rojhilata  parêzgeha Diyalê li rojhilata  Iraqê, jibo kutakirina xebata  koma terorîstî ya DAIŞê li vê navçê agahî da.

 Li gorî rapora El-Alam`ê  ji zarê rayedarekî ewlhiyê li parêzgeha  Diyala Iraqê, hêzên hevpar bi piştgiriya  Heşda Şebî  dema operasyona  paqijkirina meqerên DAIŞ`ê li Wadî Selabê li 80 Kîlomitriya bakurê rojhilata  Beqûbê mêmoriyek ku têde zaniyariyên li bara  nasname û howiyeta endamên DAIŞ`ê her wiha kiryarên wan hebûn, peyda kirin.

 Li gorî vê raporê, Ebûezra terorîstê ku qaşo wek mîrê Diyalê tê naskirin, tev sêzde terorîstên din, duh li  şerê Wadî Selabê hatin kuştin.

 Hevgav, Ziyad Xelîfe, fermandê Tîpa 24 a Heşda Şebî jî bal kişand ser operasyona  şopandina  terorîstan û naskirina  cihê xweveşartina  wan li navçên  Niftxane li bakurê rojhilata  parêzgeha Diyalê û got: ``Li vê operasyonê, navçe ji her cure  mayn û teqemeniyan hat paqijkirin û cebilxaneyek ya terorîstên  DAIŞê jî hat îmhakirin``.