Serokomarê Iraqê wek berteka li hemberî meseleya giştpirsîya cidabûna Herêma Kurdistana vî welatî got, ew hemî hewldana xwe jibo çêtirkirina peywendîyên di navbera her du alîyên têkildar û vexwendina wan jibo gotûbêja zêdetir bona çareserkirina pirsgirêkan bi kar tîne.

Li gorî rapora ajansa nûçan a IRNA`yê, Fuad Meisûm serokomarê Iraqê îro li daxûyanîyekê wek berteka li hemberî rexneyên sîyasetvan û parlimanterên Iraqê ji ber bêdengîya wî li hemberî giştpirsîya Herêma Kurdistana Iraqê got: Erka serokomar parastina destûra bingehîn û çavdêrîya ser cihanîna xalên wê ye.

Fuad Meisûm herwiha got ku ew bi tundî li dijî wan kesan e ku hewl didin li bara helwestên isûlî û misoger ên serokomar di warê parastina destûra bingehîn de şik û gumanê bik,in.

Li gorî vê raporê, Hin kesayetîyên sîyasî li bexdayê û hejmarek parlimanterên iraqî ji ber bêdengîya serokomarê Iraqê li hemberî giştpirsîya Herêma Kurdistana Iraqê li gorî kurdbûna wî rexne girtin û hinekan jî xwestin ku heke giştpirsî were lidarxistinê, hemî kurd ji Bexdayê bên derxistin û postên dewletê ji wan bên istandin.