Hat ragihandin ku îro 25ê Tebaxê di encama vekolandina du gorên komî li Rojavayê bajarê Mûsilê de, termên 500 zindaniyên Badoşê hatine dîtin.

Nivîsgeha Medyaya Şer a Wezareta Berevaniya Iraqê daxuyaniyek belav kir û tê de ragihand, tîmên asayîşê li Rojavayê Mûsilê bi ser du gorên komî ve bûne ku tê de 500 termên zindaniyên Badoşê hebûn ku ji aliyê DAIŞê ve hatine kuştin.

Di daxuyaniyê de hat diyarkirin, di nav gorekê de 30 term hebûn û di ya din de jî 470 termên zindaniyên Badoşê hatibûn spartin.