Ji ber teqîna têrorîastî li kampa awareyên iraqî li parêzgeha Enbarê li rojavaya Iraqê 14 kes hatine kuştin.

Li gorî rapora ajansa nûçeyan a Al Someria ya Iraqê, Husêyn Kesar rawêjkarê ewlehiyê yê Konseya Parêzgariya parêzgeha Enbarê got: "Êvara yekşemiyê ji ber teqîneke têrorîstî li kampa awareyên iraqî li rojavaya bajarê El Rumadiya navenda parêzgeha Enbarê 14 kes hatine kuştin û 13 kes jî birîndar bûn".

Pirraniya kuştî û birîndaran jin û zarok in.

Li vî halî, Raêd Şakir Cewdet fermandarêî polîsê Federal ê Iraqê got: "Peyama serketina hêzên iraqî li hemberî koma têrorîst a DAIŞ'ê, wê îro li Mûsilê were xwednin".

Hêzên iraqî berbanga pêncşemiya buhurî giheştin mizgevta Nûrî li rojavaya Mûsilê û li gorî gotina Heyder Ebadî serokwezîrê Iraqê, ev serketina bi wateya têkçûna DAIŞ`ê li Mûsilê ye.

Koma têrorîst a DAIŞ`ê Hezîrana 2014`an bi êrîşekê ku bi awayê gumanbar hatibû organîzekirin, bajarê Mûsilê xiste bin kontrola xwe û çend rojan piştra Ebubekir El Bexdadî serkirdeyê koma têrorîst a DAIŞ`ê Xilefeta xwe li mizgevta Nûrî ya Mûsilê ragihand. Mizgevta Nûrî û minareya dîrokî ya Hudebayê nêzî 10 rojan berî niha ji hêla têrorîstên DAIŞ`ê va tam hatin têkbirinê.