Serokwezîrê Iraqê Heyder Ebadî ragihand ku dê di nav çend rojan de rizgarkirina tevahîya bajarê Mûsilê were ragihandin.

Serokwezîrê Iraqê Heyder Ebadî  wiha got:"Rizgarkirina tevahîya bajarê Mûsilê yê di çend rojên pêşda were ragihandin."

Ev gotinên Ebadî rojekê piştî vekişîna koma têrorîst a DAIŞ`ê ji mizgevta Nûrî û xirakirina wê hatin hilêxistin. Mizgevta Nûrî ya Mûsilê ew dera ye ku Ebûbekir Bexdadî serkirdê koma têrorîst a DAIŞ`ê di sala 2014`an de xutbeya yekem li wir pêşkêş kir û xilafeta xwe ragihand.

Li gorî rapora nivîsgeha serokwezîrê Iraqê, Ebadî îro çû seredana navenda fermandetîya opêrasyona Ey Neynewa Em Tên û agahî li bara opêrasyona azadkirina rojavaya Mûsilê wergirtin.

Li gorî vê raporê, Heyder Ebadî bi fermandeyên leşkerî û ewlehîyê re civîyaye û gotîye ku hêzên me yê bi zûtirkê Mûsilê tam azad bikin.

Heyder Ebadî li ser girîngîya parastina canê welatîyan û micidbûna jibo têkbiirna têrorîsmê û azadkirina hemî deverên dagirbûyî sekinî.

Operasyona rizgarkirina Mûsilê ji Cotmeha sala borî ve berdewam dike û ji wê demê heta niha 862 hezar niştecihên bajêr koçber bûn.

Niha tenê beşek ji herêma bajarê Kevin ê Mûsilê di bin kontrola DAIŞ`ê de maye ku operasyona rizgarkirinê ya hêzên Iraqî berdewam dike.