Rêxistinên navneteweyî texmîn dikin zêde ji 100 hezar kesên sivîl ku nîva wan zarok in li beşa kevnar a Mûsilê û di rewşeke bitalûke û diltezîn de derbas dikin.

  Rêxistina NY raghandiye ku zêde ji 5 milyon zarokên iraqî hevcedarê alîkariyên lezgîn ên mirovdostane ne.

 Li gorî rapora roja pênşemiyê ya kanala  Al-Alamê, sindûqa zarokan a NY (UNICEF) li daxûyaniyekê  bal kişand ser vê yekê ku  tirsa ji DAIŞ`ê ketiye dilê zarokên seranserê Iraqê û ragihand ku siya kuştin û revandinê xwe avêtiye ser wan zarokan û ew ketine ber şerekî herî zalimane li dîroka hevçerx.

 Li gorî raghndina UNICEF`ê, zarok li Mûsilê piranî ji aliyê DAIŞê ve dikevin ber êrişê û tên kuştin da ku malbat tenbîh û terbiyet bibin û nerevin. 

 UNICEF`ê raghandiye ku  ji sala 2014an  û hevgavê berfirehbûna nifûza DAIŞê li Iraqê, zêde ji 1000 zarokan canê xwe ji dest dane û zêde ji hezar û 100 zarok  birîndar an  nivîşkan bûne. Her wiha zêde ji 4 hezar û 650 zarok ji malbatên xwe hatine cidakirin.