Hêzên iraqî di dewama opêrasiyona xwe li dijî têrorîstan, navçeya El Şefayê li nêzikî Bab El Sencarê li rojavaya Mûsilê li bakurê Iraqê ji bin dagirkeriya têrorîstên DAIŞ`ê azad kirin.

Li gorî rapora kanala têlêvîziyoniya Al Alam`ê, Qasim El Malikî ji fermandarên meydanî li Mûsilê, got: Hêzên artêşa Iraqê roja yekşemiyê derdora 150 kes ji malbatên iraqî ji wan zarok û kesên temendirêj li navçeya El Şefayê ji bin destê têrorîstên DAIŞ`ê azad kirin.

Bi pêşdaçûnên hêzên iraqî ji çend bereyan va ber bi dawîn û girîngtirîn baregeha têrorîstan li rojavaya Mûsilê, niha azadkirina tam a vî bajarî ji destê têrorîstên DAIŞ`ê nêzik bûye.

Opêrasiyona azadkirina Mûsilê ji bin dagirkeriyta DAIŞ`ê berbanga 17`ê Cotmeha 2017`an bi beşdariya hêzên artêş û polîsê Iraqê û bi hevrêtiya hêzên xwebexş ên gelanî (Heşdê Şeibî) û hêzên Pêşmerge dest pê bû û hêzên iraqî piştî derdora 100 rojan, rojavaya Mûsilê bi tamî azad kirin.

Hêzên iraqî opêrasiyona azadkirina beşa rojavayiya Mûsilê jî ji 19`ê Sibata 2017`an va dest pê kirin û ev opêrasiyon hema wisa didome û niha di rojên xwe yên dawî da ye.