Serokkomarê Iraqê piştî ku hêzên taybet ên vî welatî dawiya peywira xwe ya seretayî li Mûsilê ragihandin, diyar kir: Hêvî dike Mûsil li çend rojên tê ji lepên grûpa terorîstî ya DAIŞ`ê rizgar bibe.

Li gorî rapora Press TV`yê, Fuad Mesûm serokkomarê Iraqê roja şemiyê li civîna  navçeyî ya  civata  cîhanî ya  aboriyê li navça  Behr El-Meyêtê li rojava  Emarê paytexta  Urdinê got : Iraqê li warê rawestana li ber terorîzmê gelek serketin bi dest xistine.

  Mesûm her wiha  ji sermayedanerên biyanî xwest ku  bila  alîkariyê bidin avedankirina  bajarê Mûsilê ku ji sala 2014`an ve li encama  operasyonên  terorîstî yên  DAIŞê hatiye kavilkirinê.

 Serokkomarê Iraqê roja îniyê jî li civîneke  rojnamevaniyê li Emmanê got: Bi yekitiya gelê Iraqê li şerê li hember terorîstan, armanca  grûpa tekfîrî ya DAIŞ`ê jibo dagirkirina  hin navçên vî welatî û her wiha jiholêrakirina  welatên navçê jibo vakirina  hikûmeteke  dewrewîn  bêencam ma.

 Grûpa terorîstî ya DAIŞ`ê li sala 2014`an  bi piştgiriyên  aborî û eskerî yên Emerîkayê û hevpeymanên  rojavayî û ereb ên vî welatî ji wan  Erebistan û Tirkiyê bi rişa ser Iraqê, hin beşên navçên  bakur û rojava  vî welatî dagir kiriye û gelek cinayet kirine.

 Ji hîngê ve heya niha  hêzên iraqî piraniya navçên dagirbûyî azad kirine.