Serokê Hevalbendiya Neteweyî ya Şîeyên Iraqê gote baylozê Tirkiyê li Iraqê ku hizûra eskerên tirk li nav axa Iraqê tiştekî neqanûnî ye û pêwîst e Enqere van eskeran derxîne.

Li gorî rapora ajansa nûçan a El-Firat`ê, Emar Hekîm Serokê Hevalbendiya Neteweyî ya Şîeyên Iraqê li hevdîtina xwe ya îro tev Fatêh Yildiz baylozê Tirkiyê li Bexdayê ragihand; Mesela hizûra eskerên Tirkiyê li nav axa Iraqê babetek nîne ku pê derbasbûna demûgavan ji nav here û gelê Iraqê qebûl nakin eskerên Tirkiyê li nav axa wan bin.

Hekîm destnîşan kir; Eger qirar be welatek li şerê dijî terorîstan alîkariya Iraqê bike pêwîst e ev alîkariya bi hevahengiya tev dewleta Bexdayê be û Tirkiye jî gere ku vê yekê berçav bigre.

Wî bal kişande ser viya ku dewleta Iraqê li şerê dijî terorîstan ji hemû welatan û bi taybet hemû welatên cînar alîkariya fikrî, civakî û istixbaratî dixwaze, ji hemû welatan xwest ku bona avedankirina Iraqê alîkariya Bexdayê bikin.