Çavkaniyên ewlehiyê li Iraqê, ragihandine ku operasiyona azadkirina devera Muteybîceyê li ser sînorê parêzgeha Diyaleyê despê bûye ku di encama vê operasiyonê de 78 terorîstên DAIŞ`ê hatine kuştin.

Televîziyona Someriya Newsê ragihand ku fermandariya operasiyona Diclê ya Iraqê ragihand: Hêzên Iraqê li çarçova operasiyona azadkirina devera Muteybîceyê û gundên derdorê li ser sînorê du parêzgehên Diyale û Selahedînê 13 pêgehên DAIŞ`ê û kargeheke bombebarkirina trombêlan îmha kirin.

Hêzên iraqî herwiha dest danîn ser 17 kemendên teqandinê û 25 bomb ji kar xistin û şeş makîneyên pargalbûyî bi metraliyuzan û 35 makîneyên bombebarkirî jî îmha kirin.

Li gorî nûçeyeke din Yekîneya Îstixbaratê ya artêşa Iraqê ragihand ku li devera Hawî El-Ezîm a bakurê Beqûbeyê sê makîneyên bombebarkirî yên terorîstan peydakirin û ew ji nav birin.

Fermandariya operasiyona Bexdayê jî diyar kir ku Yekîneya îstixbarat û lêkolînê ya Polîsê navendî ya Iraqê diyar kir ku di encama operasiyonekê li devera Rizwanî li başûrê rojavayê Bexdayê terorîstekî DAIŞ`ê ku xwe bona operasiyoneke terorîstî amadekiribû girtin.

Li vê navberê de hêzên Heşdî Şebî jî bi weşandina daxuyaniyekê bal kişand ser qutkirina riya navbera devera El-Hezer û Raweyê li başûrê Mûsilê û diyar kir: Jomara awareyên vê deverê ku xwe gihandine hêzên Heşdî Şebî digihêje 3 hezar kesan.

Heşdî Şebî duh ragihand ku bajarê kevnar yê El-Hezerê li parêzgeha Neynewayê azad kiriye.