Nûnerê Hevalbendiya Dewleta Qanûnê li meclisa Iraqê ragihand ku riya herî baş bona çareserkirina kirîza di navbera Hewlêr û Bexdayê da eva ye ku alaya Herêma Kurdistana Iraqê bêyî tu şert û mercekî ji ser avahiyên Kerkûkê bê hilanîn.

Li gor rapora ajansa nûçan a netewî ya Iraqê, Mensûr Beyîcî nûnerê Hevalbendiya Dewleta Qanûnê li meclisa Iraqê li daxûyaniyekê ragihand ku pêwîst e ku aliyên kurd li parêzgeha Kerkûkê dest ji biryarên yekalî berden.

Beyîcî bal kişande ser viya ku berçavnegirtina hêlên sor li Kerkûkê dê bibine sebeba alozbûna rewşa vê parêzgehê got: Her cure aloziyek ku li Kerkûkê çê bibe li vê parêzgeha ku Kurd, Ereb û Tirkeman têda dijîn eva ser qazanca tu aliyekê nîne.

Mensûr El-Beyîcî bal kişande ser iya ku gor xala 140 a qanûna bingehîn a Iraqê her cure giştpirsiyek li bara zeliqîna Kerkûkê bo nav Herêma Kurdistana Iraqê, dijî qanûna bingehîn e got: Ji ber ku Konseya parêzgariya Kerkûkê selahiyeta biryargirtinê li bara babetên hakimiyetî li Iraqê tune, xebatên wiha yên wekî rakirina alaya Herêma Kurdistana Iraqê li ser avahiyên Kerkûkê jî karekî neqanûî û bê erziş e.

Heyder Ebadî serokwezîrê Iraqê jî bilî diyarkirina neyariya xwe li bara birêketina giştpirsiya li ser çarenivîsa Kerkûkê ku pişkek ji axa vê parêzgahê hîn di destê terorîstên DAIŞ`ê daye got: Dewleta Iraqê hemû eşîretên ku li nav Kerkûkê dijîn bi çavekê dibîne û tu ferq û cudatiyek li vê barê tune.