Berdevkê fermandarîya opêrasyona hevpar a Iraqê ragihand ku hêzên ewlehîyê bi pişkdarîya hemî yekîneyên têkildar û bi sûdwergirtina ji hemî imkan û alavan pêşdaçûna xwe nav tax û baajrokên rojavaya Mûsilê didomînin.

Yehya Resûl, berdevkê fermanderîya opêrasyona hevpar a Iraqê li gotûbêja ligel ajansa nûçan a  Farsê pêkutî kir ku opêrasyon li Mûsilê anegorî plan û armancên ku erkantîya artêşê û hêzên çekdar ên Iraqê kifş kirine pêşda diçe û hêzên pişkdar li opêrasyonê xwedîyê tecrube û şîyana dîyarkerina lezgîn a çarenûsa vî şerî ne.

Berdevkê fermandarîya opêrasyona hevpar a Iraqê herwiha ragihand ku li gorî pêvajoya opêrasyonê çav li rê ye ku em bi zûtirkê kutabûna opêrasyona azadkirina mêhwerên rojavaya Mûsilê bibînin.

Opêrasyona azadkirina rojavaya Mûsilê bi pişkdarîya nêzî 100 hezar hêzên iraqî li gorî fermana Heyder Ebadî serokwezîrê Iraqê ji nîveka meha Sibata 2017`ê va destpê bû.