Wezareta Tendirustiya Filistînê li Zîvala Xezzê di daxuyaniyekî de ragihand ku di encama êrişên 24 saetên buhurî yên Rejîma Siyonîst ser vê navçê de 7 filistînî şehîd û 14 kes jî birîndar bûne.

Di dewama vê daxuyaniya Wezareta Tendirustiya Filistînê li Zîvala Xezzê de hatiye; Di 24 saetên buhurî de meytên 5 şehîdan ji wan 4 şehîdên nû û şehîdek ku ji ber giraniya birînan şehîd bûye, bo nexweşxaneyên vê navçeyê hatine veguhestin û 14 birîndar jî bo navendên dermankirinê hatine veguhestin.

Wezareta Tendirustiya Filistînê li Zîvala Xezzê herwiha ragihand ji dema cihatina agirbesê li 11`ê Cotmehê heta nika hezar û 318 filistînî şehîd bûne û 4 hezar û 375 kes jî birîndar bûne. Herwiha heta nika meytên 815 şehîdan jî ji bin kelefeyan hatine derxistin.

Wezareta tendirustiya Xezzê ragihand ku ji dema destpêka şêrr di 7`ê Cotmeha 2023`an de heta nika hejmara şehîdên Zîvala Xezzê gihîştiye 73 hezar û 454 kesî û hejmara birîndaran jî rabûye 174 hezar û 486 kesî.