Hêza hewayî ya artêşa terorê, îro bi awayên curbicur êrişî gelek navçeyên dorhêla başûr a Bêyrûtê kir.

Li gorî rapora medyayên libnanî, artêşa terorê di dewama cinayetên xwe yên dijî Libnanê da, îro hin navçeyên li başûrê vî welatî û Zahiyeya başûr a Bêyrûtê kirin hedef.

Balafir û xwefirên Rejîma Siyonîst, apartimanên xelktêda yên sivîlan li navçeyên Huweyte Xedîr, El Kefaat û taxa Herîkê kirin hedef bi awayekî ku dûkela ji ber teqînên li wan herêmana heta çend saetan li esmanê Bêyrûtê dihat xûyanê.

Li gorî rapora medyayan her çend navçeya Huweyte Xedîrê ku ketiye ber êrişên Rejîma Siyonîst hinekî dûrî balafirgeha navnetewî ya Bêyrûtê ye û nêzî rawestgeha tirenê ye lê hatin û çûyîna balafiran û geştên bi qetaran bi awayeka asayî berdewam in.

Medyayan ragihandine ku artêşa terorê îro 14 caran navçeyên dorhêla başûra Bêyrûtê bombebaran kirine.