Wezareta Tenduristiyê ya Filistînê li Xezzeyê ragihand ku di 24 saetên raborî da meytên 7 şehîdan û 7 birîndaran bo nexweşxaneyên Zîvala Xezzeyê hatine veguhestin.

Li gorî daxuyanîya Wezareta Tenduristiyê ya Filistînê li Xezzeyê, ji nav şehîdan, 2 kes di êrişên nû da hatine şehîdkirin, 3 kes ji ber birînên berê canê xwe ji dest dane û meytên 2 şehîdan jî ji bin kavilan hatine derxistin.

Li gorî vê raporê, ji dema damezirandina agirbestê di 11ê Cotmeha sala 2025an da heta nika, yek hezar û 498 filistînî hatine şehîdkirin, 5 hezar û 306 kes birîndar bûne û meytên 838 şehîdan jî ji bin kavilan hatine derxistin.

Wezareta Tenduristiyê ya Filistînê li Xezzeyê ragihand ku bi giştî ji dema destpêka şerrê dijî Xezzeyê di 7ê Cotmeha sala 2023an da heta niha, hejmara şehîdên Zîvala Xezzeyê gihîştiye 74 hezar û 389 kesan û hejmara birîndaran jî gihîştiye 175 hezar û 423 kesan.