Leşkerên Rejîma Siyonîst di dewama destdirêjîya dijî filistînîyên Rexê Rojava da, tedbîrên leşkerî li bajaroka “Bêyt Emrê” ya ku li bakurê Xelîlê ye tund kirin û hemî rêyên têketinê yên vê bajarokê girtin.

Çavkaniyên xwecihî ragihandin ku hêzên Rejîma dagirker bi çêkirina berbendên bi axê hemî rêyên têketin û derketinê û hemî kolan û rêgehên navxweyî yên bajaroka “Bêyt Emrê” girtin.

Duh jî çavkaniyên nûçeyan ragihandibûn ku leşkerên Rejîma Siyonîst êrişî navçeyên cûrbicûr ên Rexê Rojava kirin û li çend bajaran ji wan li Nablusê û gundan dest bi lêgerrîna malan û girtina filistînîyan kirin.

Çavkaniyên xwecihî herwiha ragihandin ku leşkerên Rejîma Siyonîst êrişeke berfireh li bajarê Nablusê û bajaroka “Cîyosê” li parêzgeha Qelqîliyeyê pêk anîn û bi têketina nav malên filistînîyan, çend kes girtin.