Rêxistina Cîhanî ya Tendirustiyê pêhişyarî da, belavbûna Êbolayê di Komara Dêmokratîk a Kongoyê de ji kontrolê derketiye û xetera veguherîna wê li vegirbûna herî mirinbar a Êbolayê li cîhanê zêde bûye.

Rêxistina Cîhanî ya Tendirustiyê ragihand heta heftiya buhurî zêde ji 5 hezar babetên tûşbûna vebirr û 2 hezar û 378 mirin di 55 navçeyên tendirustiyê ji 6 parêzgehên vî welatî hatine tomarkirin. Rêxistina Cîhanî ya Tendirustiyê dibêje eva belavbûna herî mezin a Êbolayê li Kongoyê û duyemîn balavbûna mezin a nexweşiyê di cîhanê de ye û hîna nîşaneke zelal ji kêmbûna veguhestinê nayê dîtin.

Navenda Kontrolkirin  û pêşîlêgirtina ji Nexweşiyên Afrîqayê jî pêhişyarî  daye ku ev nexweşiya heta nika her 30 xuleka kesekî dikuje û eger ku neyê kontrolkirin dikare belavbûna herî mirinbar di cîhanê de be.