Ofîsa Koordînasyona Karên Mirovî ya Neteweyên Yekbûyî (OCHA) ragihand ku li parêzgeha Îturî ya li bakurê rojhilatê Komara Demokratîk a Kongoyê nêzî 100 kes mirin.

Li gorî rapora roja Yekşemê ya Radyoya Derve Sînorî ya Swahîlî, OCHA ragihand ku ji 10ê Tebaxa îsal ve derdora 100 kes ji ber tundûtûjiyê li parêzgeha Ituri hatine kuştin.

Di êrîşa endamên koma têrorîst a Hêzên Yekbûyî yên Demokratîk (ADF) ya ser çend gundên Mambasa de li navçeya Îtûriyê 83 kes hatin kuştin û gelek kes jî dîl hatin girtin.

Di heman demê de, pevçûnên 30 û 31ê Tebaxê di navbera artêşa Komara Demokratîk a Kongoyê (DRC) û komek serhildayan de li navçeya Mongwalu jî herî kêm 14 sivîl hatin kuştin.

Neteweyên Yekbûyî roja Înê ragihand ku zêdetirî 19,000 kes di nav sê rojan de piştî pevçûnên di navbera hêzên artêşê û komên çekdar ên serhildayan de li herêma Mombasa koçber bûne.