NY: Heta niha miliyonek ji welatiyên Ukraynê koçber bûne
Ajansa Penaberan a Netewên Yekbûyî dibêje, di nava heftiyeke şer û pevçûnên navbera Rûsya û Ukraynê de yek milyon kesan axa Ukraynê bicî hiştine.
Li gorî nûçeya Rûdawê, Li gorî UNHCR'yê, di heyama heftiyekê de nêzîkî %2 ji Ukrayniyan mal û halên xwe bicih hiştine û ji wî welatî derketine, ew jî di demekê de ku hejmara nişteciyên Ukraynê nêzîkî 44 milyon kesan e.
UNHCR'yê herwiha diyar kir, ew qerebalixiya bi sedema revîna xelkê çêbûye, di 40 salên derbasbûyî de mînakên wek wê kêm bûne.
Wê ajansa ser bi NY pêşbînî kirirye ku di çend roj û heftiyên bê de hejmara kesên ku ji Ukraynê derkevin û aware bibin bigihe 4 milyon kesan.
Amara Ukrayniyê ku ji destpêka şer ve reviyane welatên din bi vî awayî ye:
Polanda: 505.582
Hungarya (Mecaristan): 139.686
Moldova: 97.827
Slovakya: 72.200
Romanya: 51.261
Rûsya: 47.800
Belarus: 357
Almanya: 5000
Welatên din: 90.000
