Konseya Ewlehiyê ya NY Sêşemiyê bi şev bi daxuyaniyekê daxwaza rawestandina bilez a pevçûnan li navçeya Qerebaxê kir.

Li gorî rapora Fars Newsê, Di vê daxuyaniyê da ku ji aliyê Ebdo Abarî Serokê dewreyî yê Konseya Ewlehiyê ya NY va hat xwendin, ji Komara Azerbaycanê û Ermenistanê hatiye xwestin ku bilez pevçûnan li navçeya Qerebaxê rawestînin û gotûbêjan destpê bikin.

Konseya Ewlehiyê roja Sêşemiyê jibo hilkolandina dora nû ya pevçûnan navbera Bakû û Yêrîvanê li navçeya Qerebaxê, civîna awarte li dar xist.