Berdevkê Hêzên Çekdar ên Yemenê dema şirovekirina hûrgilîyê operasyona dijî se`ûdîyan da got: Me êrişî odeyên operasyon û fermandetî u kontrolê, cebilxane u çend cîyên girîng ên din ên dijminê se`ûdî li navçeya Tewwal a Cîzanê kir.

Yehya Serî, Berdevkê Hêzên Çekdar ên Yemenê got: "Di çarçoveya destdirêjiya dijminê Siûdî li dijî welatê me de û di heman demê de bi dijwarbûna êrîşên mûşekî yên li ser deverên sînorî yên parêzgehên Se`de û Heceyê re bi zêdetirî 200 mûşekên ku ji Cîzana Erebistana Siûdî hatine avêtin û bi berçavgirtina çavdêriya tevgerên berfireh ên dijminê Siûdî bi armanca zêdekirina aloziyê li deverên sînorî, Hêzên Çekdar ên Yemenê bi alîkariya Xwedayê Teala, bi dehan mûşekên balîstîk û dronan operasyoneke leşkerî ya pêşîlêgir, taybet û berfireh pêk anîn." Wî her wiha got: "Di vê operasyonê de, odeyên fermandarî û kontrolê, depoyên çekan û çend cîyên din ên girîng ên kombûnên hêzên dijmin ên Siûdî li herêma El-Tewwal li Cîzanê, ku girêdayî tiştê ku jê re "Firqeya Şeşemîn a Bersiva Bilez" tê gotin, hatin hedefgirtin. Her wiha, cî u doşikên avêtina mûşekan li kampa El-Dexaxîr li herêma Cîzanê hatin hedefgirtin, û çend kampên dijminê Siûdî li herêma Cîzanê jî hatin hedefgirtin. Bi sedan hêzên dijmin û kirêgirtiyên Siûdî, di nav de hêzên Yemenî û Sûdanî, hatin kuştin û birîndarkirin, û bi dehan hêzên dijmin û efserên Siûdî jî hatin kuştin û birîndarkirin." Her wiha hejmarek ji depoyên çekan ên dijminê Siûdî hatin wêrankirin.

Yehya Serî destnîşan kir: Hêzên çekdar ên Yemenê bi hemû hêz û biryardariya xwe di bersivdayîna çavkaniyên gefê, bersivdayîna her êrîş an destdirêjiyê, û çavdêrîkirin û hedefgirtina hemî tevgerên dijminane li her deverê de, bi destûra Xwedayê Teala, erkên xwe bi cih tînin. Em ê hevkêşeya "dorpêçkirin li dijî dorpêçkirinê û rageşiyê li dijî rageşiyê" ferz bikin û kombûnên hêzên girêdayî dijminê Siûdî hedef bigirin heta ku destdirêjiya li dijî welatê me raweste û dorpêça welatê me yê ezîz bi dawî bibe.

Ji aliyekî din ve, Generalê Duyem û şêwirmendê leşkerî yê Wezareta Parastinê ya Yemenê, Abid Mihemed el-Sawr, jî hişyarî da ku di rewşa destwerdana leşkerî ya Amerîkayê di şerê Yemenê de yan jî hewldana Washingtonê ji bo serdestbûna li  Tengava Bab el-Mandeb de, Yemen dê li dijî vê çalakiyê derkeve û berjewendiyên Amerîkayê yên li herêmê hedef bigire. Abid Mihemed el-Sawr got: "Ger Amerîka cesaret bike ku bi rêya leşkerî destwerdanê bike an jî hewl bide ku li Bab el-Mandeb serdest bibe, ev dê xeta sor a me û ya her kesî be û em ê li ser wê şêrr bikin, û di rewşên weha de, Tengava Bab el-Mandeb dê bi tevahî ji bo keştiyên Amerîkî were girtin."