Zerîf: Siyaseta Iran'sranê dîplomasî û diyaloga herêmî ye
Wezîrê Karên derve yê Komara Îslamî ya Îranê got: "Siyaseta demdirêj a Îranê dîplomasî, têkiliyên cîrantiya baş û diyaloga herêmî ye" .
Wezîrê Derve yê Îranê Mihemed Cewad Zerîf êvara Înê li ser Twîtterê nivîsî: "Îran pêşwazî li reşnivîsa rêkeftina li Kendava Farisê ku ji aliyê Kuweytê hatiye ragihandin, dike", û pêşwazî li bîranîna li Kendava Farisî kir ku ji alîyê hukumeta Kuweytê ve hatiye ragihandin.
Zerîf hêvî kir ku ev lihevhatin dê bibe alîkar ji bo aramî û geşepêdana siyasî û aborî ji bo hemî gelên herêma Asya Rojava.
Wezîrê Derve yê Kuweytê Ehmed Nassir Muhemed el-Sebah roja înê di daxuyaniyekê de got ku gotûbêjên baş di çarçova berdewamiya hewldanên lihevanîna welatên Kendava Farsê de pêk hatine.
Wezîrê Karên Derve yê Kuweytê herwiha got: "Hemû alîyên beşdarî danûstandinên lihevhatinê bûn li ser damezirîna aramî, ewelehî û îstiqrarê li welatên Kendava Farsî pêgîriyê dikin."
Di vê navberê de, Wezîrê Karên Derve yê Qeterê Muhemed bin Abdul Rahman El Thani(Sanî) di berteka daxuyaniya Kuweytê de li ser Twîtterê nivîsî: "Daxuyaniya Kuweyt gavek girîng e ji bo çareserkirina kirîza welatên Kendava Faris."
Erebistana Siûdî, Behreyn, Îmarat û Misir di 5ê Hezîrana 2017an de bi tometbarkirina Qeterê bi piştgiriya ji terorê, têkiliyên xwe bi vî welatî re qut kirin û tixûbên xwe yên bejayî, behrî û hewayî li ser Duhayê girtin.
Van welatan ji bo jinûve destpêkirina têkiliyên xwe 13 şert danîn, lê Qeterê ew qebûl nekir û got ku ev şert û merc serweriya vî welaît binpê dikin.
