Tirkiyê 10 milyar dolar ji Qeterê wergirt
Lîsteya analîzê ya banka navendî ya dewleta Tirkiyê îro aşkera kir ku banka navendî ya Tirkiyê 10 milyar dolar ji peymana pevguherîna pereyan a bi Qeterê re wergirt, ew jî bi hewldana sivikkirina Enqerê ji qeyrana aborî ya li welat e.
Banka navendî ya dewleta Tirkiyê çarşema borî diyar kiribû ku pevguherîna pereyan bi Qeterê re 3 qatan zêde kiriye anku ji 5 milyar dolarî derxistiye 15 milyar dolarî.
Banka navendî ya li Enqerê diyar kir ku peymana pevguherînê ya 2018’an bi hedefa hêsankirina bazirganiya dualî ya pereyên herêmî û piştevaniya aramiya darayî ya her du welatan e.
Aboriya dewleta Tirkiyê di meha borî de pir daket, her wiha vê yekê jî metirsî li gel îstîsmaran çêkir û hewl da piştgiriyê ji derve dabîn bikin. Rayedarên xezîneya Tirkiyê û banka navendî xetên zêdekirina pevguherînê bi hempîşeyên xwe yên Çîn û Qeterê re vekirine. Her wiha der barê hêsankirinên mîna vê mijarê de bi Brîtanya û Japonyayê re nîqaş kir.
Banka navendî ya Tirkiyê da zanîn ku guhartina peymana pevguherîna 2018’an a bi banka Qeterê ya navendî re bi hedefa hêsankirina bazirganiya dualî ya pereyên herêmî li gel piştevaniya aramiya darayî ya her du welatan de ye.
Analîzvan dibêjin ger dewleta Tirkiyê li hember tedbîrên piştevaniya bi deh milyar dolaran aciz e, dê li hember xetereya hilweşandinê be. Li gorî hêsankirinê pevguherîn bi lîreyê Tirkiyê û Riyalê Qeterê pêk tê.
