Wezîrê Karên Derve yê Komara Îslamî ya Îranê li gorî gazîkirina fermî ya hevpîşeyê xwe yê iraqî şeva buhurî digel desteyekê çû Bexdayê.

Wezîrê Karên Derve yê Komara Îslamî ya Îranê “Hisên Emîr- Ebdullahîyan” yê li Bexdayê bilî muzakireyên fermî digel hevpîşeyê xwe, bi Serokwezîr, Serokparliman, Serokê Civata Bilind a Dadwerîyê û Serokê Konseya Ewlehîya Netewî ya Iraqê ra derheq peywendîyên her du welatan û hevkarîyên herêmî gotûbêjê bike.

Ji hêla din va, Serokwezîrê berê yê Iraqê “Mistefa Kazimî” jî seredana Tehranê kirîye û duh êvarê bi Wezîrê Karên Derve yê Îranê ra derheq meseleyên curbicur gotûbêj kir.

Di nav welatên ereb ên Rojavayê Asyayê da, Iraqê nêzîkatîya herî zêde ya çandî û mezhebî bi Îranê ra heye. Herwiha sînorê herî dirêj ên bi cînaran ra di navbera Îran û Iraqê da ye.

Hevparî û şirîkatîya nijadî, dîrokî, zimanî, dînî û gef û berjewendîyên emnî û aborî yên hevpar ji xalên girîng di peywendîyên Îran û Iraqê da tên hesêb.