Serokê Herêma Kurdistanê Nêçîrvan Barzanî îro bi Serokê bijartî yê Komara Îslamî ya Îranê seyd Îbrahîm Reîsî re dicive.

Serokê Herêma Kurdistanê Nêçîrvan Barzanî duh pêncşemê 5ê Tebaxa 2021ê li Tehranê beşdariya rêûresma sondxwarina Serokê nû yê Komara Îslamiya Îranê seyd Îbrahîm Reîsî li Meclisa Şêwra Îslamî kir.

Malpera Serokatiya Herêma Kurdistanê ragihand; di serdana fermî ya Tehranê de, biryar e roja Înê (îro) 6ê Tebaxa 2021ê Serokê Herêma Kurdistanê Nêçîrvan Barzanî bi Serokê bijartî yê  Komara Îslamî ya Îranê seyd Îbrahîm Reîsî û berpirsên derece bilind ên din ên Îranê re bicive.

Serokê Herêma Kurdistanê Nêçîrvan Barzanî duh berî nîvro bi serokatiya şandekê gihîştibû Tehranê ku şanda Herêma Kurdistanê ji Serokê Dîwana Serokayetiya Herêma Kurdistanê, Wezîrê Ewqaf û Karubarên Olî, Wezîrê Rewşenbîrî û Ciwanan û Wezîrê Kar û Karubarê Civakî pêk tê.