Serokê Parlamentoya Tirkiyê ragihand ku ji bilî zimanê Tirkî ti zimanên din li Tirkiyê wekî fermî nayên qebûlkirin û ev mijar nayê gotûbêjkirin.

Numan Kurtulmuş got heta ku "hemû pêkhateyên PKKyê, di nav de yên li Sûriyê jî" (Hêzên Sûriya Demokratîk) çekên xwe daneynin, dê sererastkirinên yasayî yên ji bo pêvajoyê neyên kirin.

Serokê Parlamentoya Tirkiyê got xala krîtîk a pêvajoyê daxuyaniya Rêberê Girtî yê PKKyê Abdullah Ocalan a ji bo xwefesixkirina PKKyê û piştre jî şewitandina sembolîk a çekan li Silêmaniyê bû û got: “Pêwîst e ku ev pêşhat bidomin û radestkirina çekan bi awayekî pêk bê ku raya giştî ya Tirkiyeyê qanih bibe.

Kurtulmuş li ser mijara perwerdeya bi zimanê dayîkê jî got:

“Ji bilî Tirkî zimanekî din wekî zimanê fermî nayê gotûbêjkirin.