Bi boneya 1ê Îlonê Roja Cîhanî ya Aştiyê di çarçoveya Pêvajoya Aştî û Çareseriyê de, li Stenbolê mitîngeke girseyî hat lidarxistin.

Di mitînga ku bi pêşengiya Partiya Wekhevî u Demokrasiyê ya Gelan (DEM Partî) û Platforma Hêzên Ked, Aştî û Demokrasiyê li Qada Kadikoyê hat organîzekirin, daxwaza sereke çareserkirina pirsgirêka kurdan li Tirkîyê û pêkanîna aştiyê bû.

Hevseroka DEM Partiyê Tulay Hatimogullari bangî dewletê kir ku gavan bavêje û her wiha peyama Abdullah Ocalan a ji bo 1ê Îlonê jî hat xwendin.

Di mitînga ku bi dirûşma “Ji bo civaka demokratîk deng bide aştiyê” hat lidarxistin de, partî, rêxistin, sazî û sendîka bi durişman ber bi qadê ve meşiyan.

Zimanê mitîngê bi Kurdî û Tirkî bû û daxwaza sereke ya beşdaran pêkanîna aştî û wekheviyê bû.