Di operasyona ku li Stenbolê hat lidarxistin de 15 tohmetbarên ku tê îdiakirin li dijî hin konsulxane û îbadetxaneyên welatiyên Xirîstiyan û Cihû ji DAIŞê fermana çalakiyan wergirtine, hatin desteserkirin.

Li gorî rapora TRT’yê, Çiqa Stenbolê ya “Rêveberiya Têkoşîna Dijî Terorê” bi hevkariya “Rêxistina Istixbarat û Ewlehiya Netewî ya Tirkiyê” (MIT) ev 15 endamên Koma terorîst a DAIŞ’ê nasîn û girtin.

 Anegorê vê raporê wan gumanbaran ji serkirdeyên Baska Xorasanê ya DAIŞ’ê ferman wergirtine ku dijî konsulxaneya Swêd û Holandayê yên li Stenbolê û li dijî îbadetxaneyên welatiyên Xirîstiyan û Cihû çalakiyan pêk bînin.

 Li gorî nûçeya TRT’yê, hat diyarkirin ku peywendiya wan 15 kesan bi DAIŞ’ê û herêmên şer re heye lê belê gefên wan ên zelal li ser konsulxaneyan û îbadetxaneyên Kirîstiyan û Cihûyan nehatine tespîtkirin.