Li Agiriyê germahiya herî kêm bi şev di bin sifirê da bi 33 pileyan hat pîvandin.

Li gorî nûçeya ajansa Anatoliyê, Midûriyeta Herêma 12mîn a Meteorolojiyê daxuyanî da û ragihand ku li seranserê herêmê hewa wê ewrayî û kêm ewrayî be û ji nîvrojê bi şûn va jî li der û dora Erzincanê berfê bi tesîr be.

Tevlî berfê bayê (di saetê da bi leza 40-70 kîlometreyî) jî bê.

Bi şev germahiya herî kêm di bin sifirê da li Agiriyê 33, Qersê 29, Erdexanê 26, Erziromê 22, Tunceliyê 15 û Erzincan û Îdirê jî 13 pile hat pîvandin.

Li herêmê ji ber talûkeya aşît, ketina şembelîkan, cemed, berf û pûkê hat xwestin ku bila welatî bi baldar bin.