Li gor Wezareta Berevaniya Tirkiyê di encama êrişekê de li gundewarên Heleba Sûriyê ya ku Tirkiyê û çeteyên wê ew dagir kirine 2 leşkerên Tirkiyê hatine kuştin û 2 leşker jî birîndar bûne.

Wezareta Berevaniya Tirkiyê eşkere kir ku wesayîteke zirxî ya artêşa vî welatî ji cûrê `kîrpî`  li herêma ku dewleta tirk navê devera operasyona “Mertala Firatê” lê kiriye kete ber êrişê û îmha bû.

Li gor daxuyaniya Wezareta Berevaniya Tirkiyê, di encama wê êrişê de 2 leşkerên wan hatine kuştin û 2 leşker jî birîndar bûne.

Her di wê daxuyaniyê de hatiye gotin, hêzên Tirkiyê jî bersiva êrişê dane û bi tundî ew dever topbaran kirine ku êriş jê pêk hat.