Wezareta Navxweyî ya Tirkîyê ragihand: Hêzên me li başûrê rojhilata Tirkiyê li parêzgeha Bitlîsê êrîşî endamên PKKê kirin û sê endamên vê komê kuştin.

Li gor rojnama Yeni Çag ya Tirkiyê Wezareta Navxweyî ya vî welatî roja Çarşemê ragihand ku operasyon duh li daristanên devera Sahi ya parêzgeha Bitlîsê bi beşdariya komando û hêzên tevgera taybetî yên Cendirmeyan û her wiha cerdevanên bi navê parêzvanên gundan hate pêkanîn.

Hêjayî gotinê ye ku Hêza Hewayî ya Tirkiyê jî beşdarî vê operasyonê bû.

Hîn PKK derbarê vê êrişê ti agahiyek nedaye.