Odeya çapemeniya şer a hêzên Xelîfe Hefter ya bi navê Artêşa Nîştimanî ya Lîbyayê ragihand ku balafireke bêmirov a biçek a dewleta Tirkiyê dema ku li rojavayê bajarê Sirtê digeriya, xistine xwarê. 

Serbazekî hêzên parastina hewayî yên artêşa Lîbyayê wiha da zanîn: "Tirkiye roja pêncşemê di saetên sibê de balafireke bêmirov a biçek ji baregeheke li Misratayê ber bi Sirtê ve xiste tevgerê da ku baregehên artêşa Lîbyayê bike hedef. Hêzên parastina hewayî balafir kir hedef beriya ku bigihêje baregehên artêşê û balafir li nêzî berava rojavayê Sirtê hate xistin."

Tê zanîn ku eniya ji rojhilatî bajarê Sirtê heta başûrê El-Cefra ji ber çend rojan aramiyek di navbera hêzên artêşa Lîbyayê û hêzên El-Wîfaq de ku destekê ji Tirkiyê digirin, heye.