Hilbijartina herêmî li Tirkîyê bûye qadek jibo hevkarîya partîyên opozosyonê li vî welatî.

Çavdêrê meseleyên sîyasî yên Tirkîyê Mîrhan Ozbeklî di hevpeyvîna digel Radyoya Tirkîya Istenbolî ya Îranê de got: Di rikeberîya hilbijartinên vê carê de 2 bereyên girîng pêk hatine, yek Hevalbendîya Cumhûrê û yan din jî Hevalbendîya Gel ku partîya sereke ya kêmîneyan jî di vê komê de ye.

Wî herwiha got: Hevalbendîya Gel bi rêvebirîya Partîya Komarxwaz a Gel (CHP) hatîye avakirinê ku hewil dide desthilatdarîya AKP`ê li şarên curbicur ên Tirkîyê bi dawî bîne.

CHP`ê di vê çarçovê de bi nasandina hin berbijarên Partîya Dêmokiratîk a Gelan (HDP) ku partîya herîgirîng a komên kêmîne li Tirkîyê ye, hewil dide dengên xwe zêde bike.

HDP`ê nemaze li Istenbolê wekî bajarê herîmezin ê Tirkîyê di asteke baş de deng hene ku dikare dengên Hevalbendîya Gel jî bi awayekî berbiçav zêde bike. Bi vî awayî helwest û sîyaseta vê partîyê dikare di hilbijartinên herêmî li Istenbolê de dîyarker be.