Parlemana Tirkiyê roja yekşemê ji bo bijartina serokê xwe yê nû civînek pêk anî, di civîna xwe de parlamenterê AKPê Mustafa Şentop bi hejmara 336 dengan kir serokê nû yê Parlemana Tirkiyê.

Anadolu Newsê duh diyar kir ku di civîna Parlemana Tirkiyê 342 endamên parlemanê beşdar bûn, di proseya helbijartina serokê nû de parlemantê AKPê Mustafa Şentop bi hejmara 336 dengan weke serokê nû yê parlemana Tirkiyê hat helbijartin.

Li gor proseya helbijartina dengan Parlemanterê Tekîrdagê yê AKPê Mustafa Şentop 336 deng bidestxist, Parlemanterê Stenbolê yê CHPyê Engîn Altay 124 deng, Parlemantera Îzmirê ya HDPyê Serpîl Kemalbay Pekgozeguyê 46 deng, Parlemanterê Gazîantebê yê ÎYÎ Partiyê Îmam Huseyîn Fîlîz 33 deng wergirt. 3 deng jî şewitîn.

Serokê berê yê Parlemana Tirkiyê Binalî Yildirim ji ber ku bûbû namzetê Şaredariya Stenbolê yê AKPê , dest ji erkê serokatiya Parlemanê berdabû.