Heveroka HDPê Pervin Buldan aşkere kir ku duh birayê Serokê PKKê (yê di zîndanê) Abdullah Ocalan, li zîndana Îmraliyê pê re hevdîtin pêk anî.

Hevseroka Partiya Demokratîk a Gelan Pervin Buldan li ser hesabê xwe yê tora medyaya civakî ya twetterê da zanîn ku duh Mehmed Ocalan birayê Serokê PKKê Abullah Ocalan serdana wî kiriye û ligel wî civiya ye. Herwiha amaje bi wê yekê jî kir ku Mehmed Ocalan ragihandiye rewşa tendurustiya Ocalan baş e û wê heta çend rojan daxuyaniyekê derbarê rewşa wî da belav bikin.

Ji aliyê din ve biraziyê Abdullah Ocalan û Parlementerê HDPê yê Rihayê Omer Ocalan jî aşkerekiribû ku duh hevdîtin di navbera Mehmed Ocalan û Abdullah Ocalan de pêk hatiye.

Serokê PKKê Abdullah Ocalan piştî bi dawîbûna proseya çareseriyê di sala 2015an de ne ligel malbata xwe ne jî ligel parêzerên xwe hevdîtin pêk neanîbû.