Li Diyarbekirê îro 7 partî û tevgerên siyasî yên Kurdan li ser hevgirtina hilbijartinên herêmê lihev kirin û biryar dan ku bi navê HDP`ê beşdarî hilbijartinê bibin.

Bi beşdariya Hevserokên HDP`ê Perwîn Bulden û Sezayi Temelli, Serokê Partiya Demokrata Kurdistanê -Tirkiyê (PDK-Tirkiye) Sertaç Bucak û serokên partî û tevgerên siyasî îro li Diyarbekirê di konferanseke rojnamevanîyê de hevpeymanî hat ragehandin.

Hat destnîşankirin ku armanca hevpeymaniyê dirustkirina yekîtiya Kurdan li hember fişar û zextên partîya desthilatdar AKP`ê ye û bo tifaqa Kurdan gaveke girîng a destpêkê ye.

Di hevpeymaniyê de ev partî û tevger hene: Tevgera Azadî, Partiya Herêmên Demokratîk (DBP), Komeleya Kurd a Şoreşger û Demokratîk (DDKD), Partiya Însan û Azadî, Partiya Komunîsta Kurdistanê, Platforma Demokratên Kurd (PDK), Partiya Demokrata Kurdistanê-Tirkiyê (PDK-Tirkiye)