Wezîra Ticareta Tirkîyê ragihand ku Enqere ji bo dirêjkirina dewra muafbûna ji boykotên Amerîkayê yên dijî nifta Îranê hewil dide.

Li gorî rapora Malpera Aran News`ê, Wezîra Ticareta Tirkîyê Ruxsar Pekhan bal kişand ser rêketinama ticareta azad a di navbera vî welatî û Îranê da û got: Enqere hewil dide bikaribe bi dirêjkirina dema muafbûna ji boykotên Amerîkayê yên dijî nifta Îranê asta hevkarîyên digel Têhranê jorda bibe.

Wezîra Ticareta Tirkîyê herwiha got: Muzakirên digel rayedarên amerîkî di asta Wezareta Ticaretê û herwiha di pişka têknîkê da tên domandinê.

Amerîkayê di 8`ê Gulanê da bi vekişîna ji Rêketinama Atomî ya digel Îranê careka boytkot ser Îranê da sepandin û gef kirîye ku Waşîngton dê her welatê ku kirrîna nifta Îranê bidomîne boykot bike.

Gellek welatên cîhanê ji wan Çîn, Ûrsêt, Hind û Tirkîyê guh nedan boykotên Amerîkayê û li dijî wan derketin, bi dû vê yekê Serokomarê Amerîkayê Donald Trump neçar ma ji hin boykotan bê xarê.

Di dawîyê da Amerîkayê di çarçova muafbûneke demkî da rê da 8 welat ji wan Çîn, Hind, Îtalya, Yûnan, Japon, Koreya Başûr, Tayvan û Tirkîyê ta ku bikaribin kirrîna nifta Îranê bidomînin.