Berbijarê Serokatîya Komsyona Ewropayê dîyar kir ku heke vê postê bigire destê xwe dê muzakireyên endametîya Tirkîyê di vê Yekitîyê da rawestîne.

Li gorî rapora Rojnama Handelsblatt`ê, Serokê Fraksyona Partîya Gel a Parlimana Ewropayê û Berbijarê Hilbijartinên Serokatîya Komsyona YE`yê Manfred Weber pêgirî kir ku heke ew bibe Serokê Komsyona YE`yê, dê gotûbêjên endametîya Tirkîyê di YE`yê de bi dawî bîne û yê wan muzakirana veguherîne ``muzakirên şirîkatîya digel vî welatî.``

Serokwezîrê Otrîşê Sebastian Kurz û Komîserê Berfirekirina YE`yê Yohannes Han jî li dijî dewama muzakireyên endametîya Tirkîyê di YE`yê da derketine.

Peywendîyên di navbera Tirkîyê û YE`yê da bi dû girtin û jikarderxistinên berfire ên ji hêla dewleta Serokomarê Tirkîyê Receb Teyîb Erdogîn va, piştî derbeya serneketî ya 15`ê Tîrmeha sala 2016`an sar bûne.