Serokomarê Tirkîyê got ku heke komên kurd ji Minbicê û rojhilata Firatê li bakura Sûrîyê derkevin, idî Enqerê hîç karek li Sûrîyê tinabe.

Li gorî rapora Ajansa Nûçan a Reutersê, Serokomarê Tirkîyê Receb Teyîb Erdogan herwiha got: Tirkîye piştgirîyê dide yekperçetîya axa Sûrîyê û Minbic a Sûrîyê ye.

Eva di halekî da ye ku Erdogan di hefteyên buhurî da berdewam gefa opêrasyona leşkerî li dijî Minbicê û rojhilata Firatê dikir.

Herwiha ev gotinên Serokomarê Tirkîyê di halekî da ne ku Artêşa Sûriyê duh di daxûyanîyekê da ragihand: “Ji bo sepandina serweriya dewletê bi ser her bihosteke axa Sûriyê û di bersiva bangewazîya xelkê navçeya Minbicê de, Fermandariya Giştî ya Artêş û Hêzên Çekdar, çûna çend yekîneyên Artêşa Sûriyê bo nav Minbicê û bilindkirina ala welêt li vî bajarî radigihîne”.

Artêşa Sûriyê herwiha radigihîne: “Fermandariya Giştî ya Hêzên Çekdar a Sûriyê tekezîyê li ser giringiya yekxistina hewlên hemû lawên niştiman ji bo parastina serweriya niştimanî dike û em pêkutîya xwe li ser nehêlana terorê û derxistina hemû dagîrkeran ji axa paqij a Sûriyê dubare dikin”.