Di rapora pisporên Parlemana Almanyayê de raporek derbarê hêzên Tirkiyê li Sûriyê hatiye amadekirin. Di raporê da hatiye gotin ku hebûna hêzên Tirkiyê li Sûriyê dagirkerî ye.

Ajansa fermî ya Almanyayê DPAyê ragihand ku rapor ji aliyê Partiya Çep a Almanyayê va hatiye amadekirin û bo Parlemana Federal hatiye pêşkêşkirin. Herwiha di raporê da hatiye gotin ku hebûna hêzên Tirkiyê li bajarên weke Afrîn, Azez, Cerablûs, El Babê karekî dagirkerî û neqanûnî ye.

Herwiha Hevseroka Koma Partiya Çep li Parlemana Federal a Almanyayê, di raporê da aşkere kiriye ku hebûna hêzên Tirkiyê li Sûriyê ne meşrû ye û divê Tirkiye dawî li wî karî bîne.