Wezîrê karên derve yê Tirkiyê, helwêstên şerrxwazane yên hin welatên Ereb ên dorhêla Kendava Farsê dijî xelkê Yemenê rexne kirin.

Li gorî rapora Ajansa nûçeyan a Tesnîmê, Mewlûd Çawûşoglû, roja sêşemiyê ragihand: Siyaseta ku eva 5 sal in hin welatên Ereb ên dorhêla kendava Farsê li hember Yemenê girtine ber xwe, ji destpêkê va şaş bûn.

Wezîrê karên derve yê Tirkiyê herwiha got: Şerrê welatên wekî Erebistan û Imaratê li Yemenê, encamên biêş û bikaresat li dû xwe ve anîn ku mirina bi hezaran jin û zarokên yemenî li bombebaranan û mirina hejmareka zav a xelkê Yemenê ji ber birsîtî û nexweşiyê ji wan in.

Çawûşoglû herwiha ji Rêxistina Hevkariya Îslamî xwest ji bo hilkolandina qeyrana Yemenê bi armanca bidawîanîna şerr û pevçûna li vî welatî di 10`ê Çileya 2019`an de civînekê li dar xîne.

Erebistanê bi piştgiriya Emerîka, Îmarat û çend welatên  din ji Adara 2015` an  dest bi destdirêjiya eskerî ser Yemenê û dorpêçkirina bejahî, deryayî û hewayî ya vî welatî kiriye. Li encama şerxwaziya Erebistanê û hevpeymanên  wê li Yemenê heya niha zêde ji 14 hezar yemenî hatine kuştin, û bi dehan hezar kes birînadr bûne û bi milyonan yemenî jî aware bûne.

 Destdirêjiya eskerî ya Erebistanê her wiha  welatê xizan ê Yemenê rastî kêmasiya  xwarekê û dewa dermanan aniye.