Dosyeya rakirina parêzbendiya parlimanter;n HDP`ê ji parlimana Tirkîyê re hat şandin
Dosyeya rakirina parêzbendiya 10 parlamenteran bo serokatiya Parlamentoya Tirkiyê hat pêşkêşkirin ku 9 ji wan parlamenteran ên Fraksyona HDP`ê ne.
Li gorî rapora mêdyayên Tirkîyê, Dosyeya rakirina parêzbendiya 10 parlamenteran ku Hevseroka HDP`ê Pervîn Buldan û Wekîlê Serokê Fraksyona HDP`ê Ayhan Bilgen jî di nav de ne, ji serokatiya Parlamentoya Tirkiyê re hat şandin.
Navê wan parlamenterên ku daxwaza rakirina parêzbendiya wan tê kirin wiha ye:
Hevserok û Parlamentera HDP`ê ya Stenbolê Pervin Buldan, Wekîlê Serokê Fraksyonê û Parlamenterê HDP`ê yê Qersê Îlhan Bîlgen, Parlamenterê HDP`ê yê Dêrsimê Alihan Onlu, Parlamenterê HDP`ê yê Amedê Îmam Taşçier, Parlamentera HDPê ya Stenbolê Huda Kaya, Parlamentera HDP`ê ya Agirî Dirayet Dîlan Taşdemir, Parlamentera HDP`ê ya Êlihê Feleknas Uca, Parlamenterê HDP`ê yê Agirî Berdan Ozturk, Parlamenterê CHP`ê Deniz Baykal.
Di nav dosyeya rakirina parêzbendiyan de, Pervin Buldan û Feleknas Uca sê dosya û Îmam Taşçier jî du dosyayên wê hene. Bi van 17 dosyeyan, heta niha 61 dosye bo rakirina parêzbendiya parlamenteran ji Serokatiya Parlamentoya Tirkiyê re hatine şandin.
