Biryara qedexekirina giştî ya derketina derve li bajarên Qamişlo, Hesekê, Reqa û Tebqayê dest pê kir.

Şaneya Aloziyê ya Rêveberiya Xweser a Bakur û Rojhilatê Sûriyê biryara qedexekirina giştî ya derketina derve li ser bajarên Hesekê, Qamişlo, Tebqa û Reqayê piştî zêdebûna hejmara pêketiyên koronayê, ragihand.

Li gorî daneyên dawîn ên Rêveberiya Xweser, hejmara pêketiyên vîrusa koronayê (Covid-19) gihaşt 6 hezar û 825’an, ji wan hezar û 5 baş bûne û 187 kesan jiyana xwe ji dest daye.

Piştî zêdebûna hejmara pêketiyên vîrusa koronayê, da ku pêşî lê were girtin qedexekirina giştî li bajarê Dêrikê ji 6'ê Mijdarê de dest pê kir û heta 14 rojan dirêj kir.

Her wiha li gorî Desteya Tenduristiyê tedbîrên ku li Kobanê hatine girtin, hişt ku hejmara pêketiyan kêm bibe.

Li bajarên ku qedexekirin lê hatiye ragihandin, pabendiyeke giştî ji hêla gel ve heye û sûk û dikan bi tevahî girtî ne.