Hevgavê hewldanên ji bo xweşkirina rê ji bo vegera Kurdên Serêkaniyê li navçeyên xwe, operasiyona ramalîna mînên li ser rêya Dirbêsiye û Serêkaniyê destpê bûye; Karek ku bi armanca vekirina rêyên têkiliyê, dabînkirina ewlehiya hatûçûna welatiyan û hêsankirina vegera zêde ji 80 hezar awareyan tê kirin.

Tîmên pûçkirin û komkirina mînên li ser rêya Dirbêsiye- Serêkaniyê û pêkanîna şerûmercên guncaw ji bo hatûçûna welatiyan, operasiyona ramalîna navçeyên tijî mîn didomînin û operasiyona ramalînê ji navçeya Esediyê ve destpê bûye. Anegorî raporan rêyên Til Temir- Serêkanî û Dirbêsî- Serêkaniyê di vê daiyê de hatine vekirin lê ji ber peratebûna mînan hîna jî hatûçûna di van rêyan de nepêkan e. Anegorî amara Komîteya Awareyan a Serêkaniyê, zêde ji 80 hezar aware li benda pêkhatina şertûmercên pêwîst ji bo vegera ewleh a li navçe û malên xwe anegorî xalên hevhatina 29`ê Çilê ne.