Li Bakur û Rojhilatê Sûriyê 113 kesên din bi koronayê ketin
Desteya Tenduristiyê ya Rêveberiya Xweser a Bakur û Rojhilatê Sûriyê ragihand ku 113 kesên din bi koronayê ketine û 3 kes ji ber koronayê mirine.
Li gorî rapora ajansa nûçeyan a Hawar Newsê (ANHA), Hevserokê Desteya Tenduristiyê ya Rêveberiya Xweser a Bakur û Rojhilatê Sûriyê Ciwan Mistefa diyar kir ku kesên bi koronayê mirine mêrek ji Dêrikê ye û yên din ji Amûdê û Girkê Legê ne.
Mistefa diyar kir ku 113 kesên din bi koronayê ketine ji wan 59 mêr in û 54 jin in û li van herêman in:
Hesekê: 3
Qamişlo: 4
Dêrik: 1
Girkê Legê: 1
Rimêlan: 1
Amûdê: 2
Reqa: 38
Kobanê: 26
Minbic:23
Tebqa:14
Mistefa destnîşan kir ku 3 kesên ku berê bi koronayê ketine baş bûne.
Hejmara pêketiyên koronayê li Bakur û Rojhilatê Sûriyê gihaşt 2 hezar û 852 kesan, ji wan 93 kesan jiyana xwe ji dest daye û 623 kes jî baş bûne.
