Mijdar 29, 2022 16:01 Asia/Tehran
  • Li rexê rojavaya çemê Urdinê 3 ciwanên filistînî hatin şehîdkirin

Di encama êrişên leşkerên sîyonîst ser rexê rojavaya çemê Urdinê da 3 ciwanên filistînî hatin şehîdkirin.

Leşkerên sîyonîst berbanga îro êrişî bajarokê Beyt Emrê va li nêzîkî El Xelîlê kirin û filistînî dan ber gulleyan.

Wezareta Tenduristîyê ya Filistînê ragihand ku idi encama vê êrişê da, Mufîd Xelîl ciwanê filistînî ku gulle li serê wî ketibû, ji ber giranîya birînê şehîd bû.

Leşkerên sîyonîst di dewama êrişên îro ser devera Beyt Rîmanê da li nêzîkî Ramullahê jî filistînî dan ber gulleyan ku di encamê da 2 birayên filistînî yên 21 û 22 salî şehîd bûn.

Komeleya Heyva Sor a Filistînê ragihand ku di encama êrişa leşkerên sîyonîst da 22 filistînî jî birîndar bûne ku rewşa yek ji birîndaran giran e.

Çavkanîyên herêmî li Filistînê herwiha ragihandin ku îro operasyoneke dijî sîyonîstan li rojhilata Ramullahê li rexê rojavaya çemê Urdinê hat lidarxistinê. Ew operasyona îro li nêzîkî bajarokê sîyonîstnişîn ê Koxa Yeiqûbê hat lidarxistinê ku di encamê da filistînîyekî bi maşînê da ser leşkerekî sîyonîst ku bi giranî birîndar bûye.

Mêdyayên sîyonîst herwiha ragihandin ku leşkerên Rêjîma Sîyonîst dane dû encamderê operasyonê û ew şehîd kirine.