Hêzên Berxwedana Yemenê baregehên Erebistana Siûdî kirin hedef
Tevgera Ensarullah ragihand ku hêzên wan odeya çalakiyan a li balafirgeha Necran û baregeha hawayî ya Melek Xalid a li Xemîs Meşîr a Erebistana Siûdî kirin hedef. Hevpeymaniya Erebî ya bi serkêşiya siûdiyan jî piştî vê yekê îdia kir ku wan 4 balafirên bê pîlot ên Ensarullah xistine erdê.
Berdevkê Hêzên Çekdar ên Tevgera Ensarullah Yehya Serai got: "Çeka asîmanî îro nîvro bi hejmareke mezin a balafirên K2 yên bê mirov odeya çalakiyan a li balafireha Necran û depoyên çekan û dikên balafirên li baregeha Melek ya Asîmanî ya li Xemîs Meşîr û hedefên din ên leşkerî kirin armanc."
Serai herwiha got: "Balafiran bi zelalî li hedefên diyarkirî yên siûdî dan."
Ji aliyekî din ve Hevpeymaniya Erebî ya bi serkêşiya siûdiyan jî piştî vê yekê îdia kir ku hêzên wan 4 balafirên bê pîlot ên Ensarullah xistine erdê. ku Ensarullah ber bi Erebistana Siûdî ve avêtin. "
Berdevkê hêzên Hevpeymaniya Siûdî Tirkî El-Malikî îdia kir: "Hêzên Koalîsyona Hevbeş îro sibeha 4 balafirên bê mirov ên bombebarkirî ku Hûsiyan ber bi Erebistanê ve avêtin rûxandin. Ji wan 3 balafir li asîmanê Yemenê hatin astengkirin."
